અમેરિકાના શિકાગોમાં મંગળવારે સાંજે આડેધડ ગોળીબાર,14 લોકો ઘાયલ – Kranti Sandesh
દેશ / વિદેશ

અમેરિકાના શિકાગોમાં મંગળવારે સાંજે આડેધડ ગોળીબાર,14 લોકો ઘાયલ

અમેરિકાના શિકાગોમાં મંગળવારે સાંજના સમયે આડેધડ ફાયરિંગની ઘટના બનતા નાસભાગ મચી ગઈ હતી. એક કાર્યક્રમ દરમિયાન હુમલાખોરે બધા સામે બંધૂક તાકી દીધી હતી અને આડેધડ ગોળીબાર કરવા લાગ્યો હતો. ગોળીબારની આ ઘટનામાં ઓછામાં ઓછા 14 લોકો ઘાયલ થયા છે અને તેમને સારવાર માટે હોસ્પિટલમાં દાખલ કરવામાં આવ્યા છે. આ સમગ્ર કેસ મામલે શિકાગો પોલીસે એક વ્યક્તિને કસ્ટડીમાં લીધી છે.

પોલીસના કહેવા પ્રમાણે શિકાગોના ગ્રેશમ ખાતે મંગળવારે સાંજના સમયે એક અંતિમ સંસ્કાર દરમિયાન ગોળીબારમાં ઓછામાં ઓછા 14 લોકો ઘાયલ થઈ ગયા હતા. પશ્ચિમ 79મી સ્ટ્રીટના 1,000 નંબરના બ્લોકમાં સાંજે 7:30 કલાક પહેલા ગોળીબારની ઘટના બની હતી. આ કેસ મામલે પોલીસે એક વ્યક્તિને કસ્ટડીમાં લીધી છે પરંતુ હજુ પણ હુમલાખોર અંગે કોઈ જાણકારી સામે નથી આવી.

પોલીસ દ્વારા મળતા અહેવાલ પ્રમાણે એસયુવીમાં સવાર એક વ્યક્તિએ બ્લોક પર અંતિમ સંસ્કારમાં હિસ્સો લેનારા લોકો પર ગોળીઓ ચલાવી હતી. ત્યાર બાદ અંતિમ સંસ્કારમાં સામેલ લોકોએ પણ આડેધડ ગોળીઓ ચલાવી હતી અને એસયુવી દુર્ઘટનાગ્રસ્ત થઈ ગઈ હતી. આ હુમલામાં ઓછામાં ઓછા 14 લોકો ઘાયલ થયા છે જેમને પાંચ વિભિન્ન હોસ્પિટલમાં દાખલ કરવામાં આવ્યા છે.

સ્થાનિક નિવાસી અર્નિટા ગર્ડરે ઘટના સ્થળે બધે લાશ વિખરાયેલી હોય તેવો માહોલ હોવાનું જણાવ્યું હતું. તેમના કહેવા પ્રમાણે લોકોને પગ, પેટ, પીઠ સહિતની બધી જ જગ્યાએ ગોળીઓ મારવામાં આવી હતી અને તે યુદ્ધ હોય તેમ લાગી રહ્યું હતું. શિકાગો પોલીસે ફાયરિંગ પાછળના મુખ્ય ઉદ્દેશની શોધ આરંભી છે અને એક વ્યક્તિને કસ્ટડીમાં લઈ તેની પુછપરછ કરવામાં આવી રહી છે.

Show More

Related Articles

Back to top button